Ein blogg om musikk, teknologi, lærarkvardagen, språk og fotball
Electric City - “Bittersweet”
Electric City på radio
Foto: Hornedesign.no
Som fleire av dykk allereie er klar over spelar eg i eit popband. 10. februar i år slapp me vår fyrste single, “Bittersweet”. Allereie den fyrste veka vart låta C-lista på NRK P3. Ein knapp månad etter var me ute med ein remix som vår storfan LidoLido har gjort for oss. Ting har heldigvis ikkje gått upåakta hen. Sidan då har me no vorte forframma til B-lista på P3. I tillegg er me nr. 29 på Radio 102 si topp 40-liste.
Du kan besøke vår Facebook-side eller følgje oss på Twitter.
“Bittersweet” kan du høyre på YouTube, Spotify, eller kjøpe i iTunes Store.
For å hjelpe oss med å skape litt blest kan du etterspørre låta hjå P3 ved å lage ei sjefsliste og tipse andre om profilane våre i sosiale medier.
Me er allereie i gong med oppfølgarlåta, så følg med på Twitter eller Facebook.
Korleis sende opptak med bra lyd frå iPhone til Evernote?
Alle me som har forsøkt lydopptak i Evernote veit at lydkvaliteten ikkje er å rope hurra for. Funksjonen er vel eigentleg berre meint som dokumentasjon. Dette gjer i utgongspuktet Evenote nesten ubrukeleg til opptak av idéar til låtskriving, øving osb.
I seg sjølv er den innebygde appen til taleopptak god nok i seg sjølv til opptak og lagring, men administrering av etikettar (tags) er forferdeleg tungvint. Det går heller ikkje an å dele opptas med andre utan å måtte sende dei på e-post.
Her er ein metode eg testa på veg til jobb i morges:
1. Ta eit opptak med Taleopptak.app.
2. Send dette med e-post til di unike e-postadresse som du får med kontoen din. Vips, så har du eit lydopptak med god kvalitet i Evernote-biblioteket ditt.
Eg har lagra den nemnte e-postadressa som ein eigen kontakt i adresseboka.
Smart? Del gjerne med andre.
Korleis sende heile artiklar frå Safari for iOS utan hokus pokus?
Evernote er den mest nyttige reiskapen eg har iht. digital arbeidsflyt i kvardagen. Eg brukar somme gonger å spare på gode artiklar eg finn på nettet. På Macen har eg installert eit tillegg i Safari som gjer at eg enkelt kan klippe ut innhald frå nettsider. Det er på ei anna side ikkje like enkelt frå iPhone eller iPad som er dei verktøya eg som regel har med meg på jobb eller på farta. Eg har funne ein enkel måte å ta vare på artiklar frå nettet som eg gjerne vil dele med deg.
- Bruk Leser-funksjonen i Safari. På den måten får du vekk alt av visuell uro.
- Vel del i menylina og vel Send artikkel med e-post. Har du ikkje på førehand brukt Leser, vil du her kun kunne få fram Send kobling med e-post.
- Send så artikkelen til den unike e-postadressa du som Evernote-brukar har og vips er artikkelen å finne i biblioteket ditt - fint formatert til og med!
Del gjerne dette med andre Evernote-fans.
Musikalsk galskap
Eg har brukt så utruleg mykje pengar på musikk! Eg hugsar dei fyrste platene eg kjøpte som tenåring på longtur til Haugesund. Eg hugsar å gå innom platesjappa på Åkra for å sjekke om dei sære progrockplatene eg hadde tinga hadde kome. Eg hugsar dei fyrste albuma eg kjøpte i iTunes Music Store, som det heitte den gongen. Eg hugsar òg dei mange timane eg har brukt å legge CD-plater inn i iTunes. Ja, det har vorte mykje musikk, og det å oppdage ny musikk er vel kanskje min aller største hobby - ein hobby eg aldri vert lei.
I kjellaren står CD-platene i skåpa. Dei er sjølvsagt alfabetiserte. Sidan me flytta her våren 2009 har ikkje ei einaste plate vore i bruk - med unntak av i bilen. Der ligg det meir eller mindre ei pakke med plater fast. Litt borneplater og litt til far.
Tanken på å skulle forsvare det å sitje på ei slik samling av musikk, men ikkje bruke han er heilt vanvittig! Dei siste månadane har eg nesten utelukkande brukt Spotify. For deg som ikkje kjenner til konseptet, er det altså at du for kr 99,- pr månad kan strømme all den musikken du vil. Abonnementet let meg òg bruke Spotify på td. iPhone - der kor eg høyrer på kanskje over 90% av den musikken eg høyrer på i kvardagen.
Kva skal eg gjera? Øyvind Berekvam (musikkbloggar) gav vekk samlinga si til musikkbiblioteket i Stavanger. Skal eg gjera det same, mon tru? CD-platene kjem eg i alle fall aldri til å bruke igjen, og me treng plassen. Då ligg det litt av ein jobb framfor meg mtp. at eg må digitalisere alle platene. Men er det vits? Eg finn jo det meste av dei på Spotify. Det vil etter kvart òg verta eit plassproblem med alle lydfilene òg. Her er jo forsåvidt iTunes Match ein god nyhet. Berre det hadde vore tilgjengeleg i dette landet slik at eg hadde fått teste det.
Om du har gode innspel, tek eg gjerne mot. Eg er rett og slett i beit for gode løysingar her.
KR
iPad i lærarkvardagen
Foto frå Apple
Eg har med meg iPaden på jobb nesten kvar dag. Etter at eg kjøpte denne skulderveska, kor eg har plass til alt eg brukar i løpet av dagen, har det liksom vorte ein del av den faste lærarpakka.
Kalender og Mail
Å samle informasjon eg får på e-post er ein lek med iPhone og/eller iPad. Det er òg kjapt å avtale eit lite møte med kollegaer vha. kalenderen eller rett og slett ved å sende ei tekstmelding (går i nokre tilfelle frå iPad òg).
Held styr på arbeidsoppgåvene mine med Wunderlist
Wunderlist er gratis. Wunderlist er kompatibelt med nær alle duppedingsar og operativsystem. Wunderlist synkroniserar via skya. Wunderlist fungerar. Wunderlist er fint å sjå på. Treng eg seie meir?
Nettlesar med relativt stor skjerm
Når ein jobbar i ein kommune med eit nettverk som er eit lotteri i forhold til om det fungerar eller ikkje, er det fantastisk å kunne dra fram padda og td. registrere fråvere på SkoleArena eller å sjekke ymse ting i på itslearning. Eller berre rett og slett å søkje opp ting på nettet.
Vise film frå YouTube
Med fri databruk (gåve frå OneCall) og skjermovergong er iPad både eit kjapt og påliteleg val når eg skal vise video i klassen.
Lese alle filer som helst med Dropbox
Det er sagt mykje godt om Dropbox, og det med rette. Det vert berre meir og meir konge å dele mapper med andre lærarar og bla opp dei filene eg treng. Eg brukar òg Dropbox til å vise filer til klassen på prosjektør.
Planleggje undervising, skrive dokument eller notat med Evernote
Evernote er favorittverktøyet mitt for tida. Dette programmet gjer nesten alt: ta notat, lydopptak, bilete (bilag til musikarverksemda), ta vare på dokument/skriv eg får på e-post, ta bilete av tavla i timen, samle bokmerke osb.
Loggføre undervising med DayOne
Kunne gjerne ha brukt Evernote til dette, men eg likar kalenderfunksjonen i DayOne. Eg skriv kun stikkord og kven som er borte i timen. Genialt enkelt. Synkroniserar mellom iPhone/iPad/Mac.
Lage fine planar med Pages
Eg får lyst til å lage planar med dette programmet. Litt knotete i og med at det ikkje har støtte for Dropbox (kun iCloud), men ved å sende ferdig dokumentet på e-post til meg sjølv eller faktisk direkte til Evernote fungerar veldig fint.
Presentere med Keynote
Latterleg bra presentasjonsverktøy. I og med at det vert synkronisert (Push) med iPhone via iCloud kan eg faktisk lage/finpusse på presentasjonar medan eg spaserar til jobb. Og tru meg, det har skjedd.
Notere ved å bruke MindNode (tankekart)
MindNode var seinast i aksjon på tysdag då eg var på kurs. Inspirerande, fint og oversikteleg program. Eg har faktisk òg brukt denne medan eg har gått gjennom nytt stoff i timen. Eg skriv i tankekart medan eg forklarar.
Drive gitarundervising med GuitarToolkit
Skulle ønskje eg var elev i gitartimane mine. For eit program dette er! Eg vil nødig drive reklame for elevane, men dersom dei spør etter EIN app til gitar er det denne eg tilrår. Eg brukar prosjektør i desse timane. Grepa vert veldig oversiktelege og eg kan òg lage akkordoversiktar til særskilde låtar eller pensum. Har òg stemmar og metronom. Genialt!
Demonstrere musikkproduksjon med GarageBand
Med GarageBand-appen til iPad og skjermovergong vert det enkelt å skulle demonstrere korleis ein lagar ein grei produksjon. På skulen eg jobbar på har me kun GarageBand for Mac, så overføringsverdien er ikkje 100%. Skulle gjerne hatt eit klassesett med iPad. Då kunne elevane ha jobba ein og ein.
Spele musikk frå Spotify eller musikk-appen
No har ikkje Spotify nokon dedikert iPad-app, men det fungerar relativt bra å bla fram ei låt eller to dersom eg treng det. Nyttar som regel iPhone til akkurat dette føremålet.
Bruke e-bøker eller Bibelen
Som RLE-lærar har Holy Bible (YouVersion) fått køyre seg. Eg har sjeldan fått bruk for iBooks-appen då utvalet av fagbøker er for dårleg. Kanskje det skjer noko i næraste framtid. Apple inviterar nemleg til ein undervisingspresentasjon 19. januar.
Bla opp ting med Wikipanion eller annan Wikipedia-app
Wikipedia er ein god plass å leite dersom du treng rask informasjon. No drillar me elevane våre i å kryssjekke kjeldene deira, men det er ikkje nok å leggje skjul på at Wikipedia er eit årleit konsept.
Det var det eg kom på i denne runden. Du må gjerne tipse meg om andre bruksområde.
Du kan òg lese desse artiklane frå bloggen dersom du ønskjer det:
- Dropbox og Evernote sett med skuleauge
- Det digitale firmaliv
- Bruk Dropbox for effektivt å leggje inn namn i Attendance App
- iPhone-applikasjonar for pedagogen
- Diverse apptips på bloggen
Eg kan tilrå bloggen til Jan Gamre for fleire tips.
KR
Dropbox og Evernote sett med skuleauge
Dropbox og Evernote har etter kvart vorte favorittappane mine når det gjeld produktivitet/arbeidsflyt. I og med at iPhone og iPad er såpass sentrale i arbeidskvardagen min (lærar på ungdomsskule) er eg avhengig av skybasert lagring. Med hyppig bruk i det siste trur eg jammen meg begge tenestane hadde vore viktig om eg kun hadde hatt ein god, gamaldags datamaskin av noko slag heime og ditto på jobb. Å kunne synkronisere filer mellom ulike maskiner er og blir essensielt for meg. Fyrste arbeidsdag etter juleferien hadde eg eit iPad-kurs for administrasjonen på skulen eg jobbar på. I den samanhengen tok eg eit djupdykk i tenestane for best mogleg å kunne lire av meg nyttig kunnskap. Her er nokre tankar og eksempel på ymse bruksområde i ein lærarkvardag.
Dropbox
Etter fleire år med gratis bruk av Dropbox og i utgongspunktet 2GB har eg endeleg gått til anskaffing av 50GB. Dropbox er nok det verktøyet eg har vorte mest glad i - både som privatperson, men i aller høgste grad som lærar. Det som er genialt med Dropbox er kor påliteleg og effektiv synkroniseringa er. Eg har aldri hatt eit einaste problem - verken med PC-, Mac-, iPhone- eller iPad-versjonen.
Favorittfunksjonen min, bortsett frå det å kunne sjå alle filene mine kor som helst, er å kunne dele kva som helst fil rett frå iPhone eller iPad. Ved at eg kun sender ei lenke slepp eg òg å uroe meg for at vedlegget er for stort.
Bruksområde:
- lagring og synkronisering av filer mellom heime-Mac og jobb-PC
- dele mappe med andre lærarar som underviser i same fag
- deling av filer - anten midlertidig eller ubegrensa tidsperiode
- lese filer på iPhone/iPad
- lenke til fil på itslearning for så å kunne redigere fila utan å måtte oppdatere i itslearning (kjem bloggpost om dette seinare)
- fotogalleri
- lagring for veldig mange tredjepartsprogram
Evernote
Eg byrjar endeleg å få augene opp for kva Evernote er. I eitt år no har eg brukt Evernote til å samle alle bilag i firmaverksemda mi. Til dette har programmet vore genialt og har vel betre kontroll på utgiftene og bilaga mine no enn eg nokon gong har hatt. Det tek meg som regel berre nokre sekund frå du spør meg til eg finn akkurat det bilaget du meiner.
Det eg har slite med er forståinga av begrepet ‘notatbok’, eller på engelsk ‘notebook’. Etter eit godt innspel på Jan Gamre (svart belte i Evernote) sin blogg finn eg ut at desse notatbøkene sjølvsagt er det som eg før ville ha ordna i ein ringperm. Altså ein digital ringperm. Du kan lese litt om Evernote i artikkelen Evernote - artiklenes mor.
Bruksområde:
- vanlege notater
- produksjon av lengre tekstar
- ta bilete av tavla etter timen for å nytte i planleggjing av neste time
- lenkesamling til ressurser
- oppgåvelister med avkrysningsruter
- lydopptak for loggføring eller planleggjing på farta (td. til iPhone)
- ta bilete av kvitteringar
- dele notatbøker med andre lærarar
- klippe ut nettsider
- deling av dokument (PDF)
Skilnaden mellom Dropbox og Evernote
Som du sikkert forstår overlapper desse tenestane kvarandre i nokon grad. Grovt sagt kan ein seie at Dropbox er mest ideell for filer, lagring og sikkerheitskopi og interaksjon mellom fleire personar med tradisjonell mappestruktur. Evernote er meir eit system som er basert på merkelappar (tags) og søkjing i fritekst. Evernote er for idémyldring, produksjon og deling av notat - med rikt innhald.
Artikkel om skilnaden mellom Dropbox og Evernote
Begge tenestane er, som eg har nevnt, i utgongspunktet gratis, men med visse begrensingar.
Fortel gjerne om dine erfaringar med Dropbox, Evernote eller andre program/tenestar. Eg er alltid klar for innspel.
- Kjell Rune
Aiaiai! Etter å ha vore støttemedlem i vinlotteriet i 3 år fekk eg endeleg min fyrste gevinst. Eg vann på Anders Lindegaard (nr 34). (Taken with Instagram at Kannik skole)
Mactips: Send PDF direkte frå kva som helst program til Evernote
Her kjem eit par Evernote-tips:
For å klippe ut nettsider direkte til Evernote kan du installere dette Evernote-tillegget for Safari.
Andre gonger har eg behov for å ta vare på eit utsnitt frå ei nettside eller eit dokument - og eg vil ha det som ein PDF. Til dømes når eg har loggført karakterer i karakterboka i itslearning og elevane spør om munnleg tilbakemelding. Då slepp eg å måtte logge meg inn på nettet og finne det gjeldande dokumentet. Genialt!
Her er oppskrifta:
- Finn den nettsida du vil hente informasjon frå.
- Trykk kommando + P for å skrive ut.
- Trykk på PDF-knappen nedst til venstre.
- Vél ‘Rediger meny’ og legg til program ved å trykke ‘+’.
- Finn Evernote blant programma dine og legg til.
Vips, så har du valet ‘Evernote’ i tillegg til ‘Arkiver som PDF’ og ‘Åpne PDF i Preview’ osb.
Smart?
Del dette tipset med andre dersom du vil.
- Kjell Rune
1 / 29
